Sekuensia S
SAKA BO SÒM
(kantante: Saab, Jesús, Cesar)
Mi tin kos na mi kurason
Tin un kos na mi kurason
Mi ke sa, mi ke sa, mi ta bai, mi ta bai
mi t'ei bash'abou, bash'abou
Si mi hala rosea un tiki mas
Bon' tin nod'i spanta
Oksígeno n' por kaba, nò!
(Refran) Tin oksígeno
Tin airu pa tur hende haña
Tin oksígeno
Espasio pa tur hende biba
Nò, no nesesariamente
Mi doló ta motibu di ta un goso pa bo
Pasó t'asina ku tin oportunidat
Pa tur hende progresá
Tin oksígeno
Tin airu pa tur hende haña
Tin oksígeno
Espasio pa tur hende biba
Min' ta lubidá mi tawela a bisami
N' tin problema muchu grandi
Tan-ten, tan-ten, tan-ten ku pa falta di rosea
Bo kurason no stòp di bati
Tin oksígeno
Tin airu pa tur hende haña
Tin oksígeno
Espasio pa tur hende biba
Mi tin kos na mi kurason
Tin un kos na mi kurason
Mi ke sa, mi ke sa, mi ta bai, mi ta bai
mi t'ei bash'abou, bash'abou
Si komedó di webu ainda n' sa
Kon galiña ta sufri
Ta pon'ele pone un webu e mes
(Refran) Biba segun bo forsa
Ta konsehabu
Antó biba bon
Ta bisabu
Biba segun bo forsa
Si mi ke kome un webu
Mi galiña ta pon'é
Pero ki ora k'e kanta kokodèk
Su kara ta trèk, su kara ta trèk
Biba segun bo forsa
Ta konsehabu
Biba segun bo forsa
Nunka, nunka deseá
Di ta bo bisiña
Ken sa, ken sa
Ta su alma el a poteká
Biba segun bo forsa
Ta bisabu
Biba segun bo forsa
Un ku dos ta tres
Kita tres ta sero
Ta imposibel
Saka algu fo'i nada
(Refran) Biba segun bo forsa
Ta konsehabu
Antó biba bon
Ta bisabu
Biba segun bo forsa
Mi tin kos na mi kurason
Tin un kos na mi kurason
Mi ke sa, mi ke sa, mi ta bai, mi ta bai
mi t'ei bash'abou, bash'abou
Ta mei mei di angel nèchi so
Mi ta purba trafiká
T'ami so por hasi piká
(Refran) T'ami so tin pika, nò tòg?
T'ami so?
T'ami so ta hasi bòsh'i piká
T'ami so tin pika, nò tòg?
T'ami so?
Ta trapa pía di hende sin bisa despensa
T'ami so?
Ta hap sin pone man na boka
T'ami so?
So, so, so, so, so ta mentiroso
T'ami so?
Ta gosa otro su doló
T'ami so?
Ta papia malu di otro
T'ami so tin pika, nò tòg?
T'ami so?
Ta hipókrita, kompai
T'ami so tin pika, nò tòg?
T'ami so?
Saka bo sòm, awó
Saka bo sòm
(4x)
SALOMON
(kantante: Gibi Doran)
Salomon, sabí, sabí bo ta
Bo ta parti malu fo'i bon, Salomon!
Salomon, sabí, sabí bo ta
Bo ta parti malu fo'i bon, Salomon!
Salomon, sabí, sabí bo ta
Bo ta parti malu fo'i bon, Salomon!
Historia bíbliko ta konta
Konta ku dos mama a duna lus
Alegria so tabata reina
Rònt di kama "1" i kama "2"
Pero diripiente den anochi
Un dje kriaturanan a muri
I su mama a lanta kuchi kuchi
Lanta kuchi kuchi kambia yuchi
I mainta nan ta pleita
Tur dos ta par'ariba
Mi t’e berdadero mama
Dje yu ku ta na bida
(2x)
Nan a bai puntra rei Salomon
Kua di dos antó tin rason
Nan a bai puntra rei Salomon
Kua di dos antó tin rason
Salomon, e di k'e burdugu Bazabar
“Kue e yu partié den dos
Perkurá pa kada mama haña mitar
Parti e yu i kaba kos!”
“Parti e yu, parti e yu, parti e yu!”
Asina un dje mamanan a grita
“Parti e yu, parti e yu, parti e yu
Partié den dos i kaba kos!”
“Nò, nò, nò, nò!”
Asina e otro mama a bira sklama
“No mata mi yu, no mata mi yu
Dun’ele lag’é bai den nòmber di dios”
Salomon di ku firme bos:
“Dun’e yu n’e mama di dos.
Ya ku un mama ku pari un yu
Pa nad’i mundu lo n’ laga mat’é, nò, nò!”
Ku sabiduria i sikologia
Salomon a yega na su konklushon
(Refran) Salomon, Salomon
Bo ta parti malu fo’i bon, Salomon
Dun’e yuchi n’e mama di dos, Bazabar
Amor di mama no tin par, no tin par
Salomon, Salomon
Bo ta parti malu fo’i bon, Salomon
E muhé ku a grita unbé, unbé
Parti e yu, parti e yu
No por a parié, no por a parié
Salomon, Salomon
Bo ta parti malu fo’i bon, Salomon
Antó e mama ta rog'é, rog'é:
“Spera, spera, no mat’é!”
Salomon, Salomon
Bo ta parti malu fo’i bon, Salomon
Burdugu ta fis, burdugu ta kis
Machete nobis nobis
Antó e mama ta roga:
“Plis no mat’é, plis!”
Salomon, Salomon
Bo ta parti malu fo’i bon, Salomon
Ki noble dama, noble dama ta mi mama
Uhuhuhu, noble dama
Salomon, Salomon
Bo ta parti malu fo’i bon, Salomon
No mat'é (4x)
E muhé ku a grita unbé, unbé
Parti e yu, parti e yu
No por a parié, no por a parié
Salomon, Salomon
Bo ta parti malu fo’i bon, Salomon
Antó e mama ta rog'é, rog'é:
“Spera, spera, no mat’é!”
Salomon, Salomon
Bo ta parti malu fo’i bon, Salomon
Burdugu ta fis, burdugu ta kis
Machete nobis nobis
Antó e mama ta roga:
“Plis no mat’é, plis!”
Salomon, Salomon
Bo ta parti malu fo’i bon, Salomon
Ki noble dama, noble dama ta mi mama
Uhuhuhu, noble dama
Salomon, Salomon
Bo ta parti malu fo’i bon, Salomon
Salomon di ku firme bos:
“Dun’e yu n’e mama di dos.
Ya ku un mama ku pari un yu
Pa nad’i mundu lon’ laga mat’é, nò, nò!”
SEÑOR SPERANSA
(kantante: Gibi Doran)
Ketu bai m’a keda blo mek
Ketu bai m’a keda blo mek
Te k’un otro a chèk e chek
2x
Ma mi tin speransa 3x
Ketu bai m’a keda blo mek
Ketu bai m’a keda blo mek
Te k’un otro a chèk e chek
Pero speransa mi tin
Ku un dia porfin lo mi logra
2x
Damitanan di bario
Ta konsiderami un kabayero serio
Damitanan di bario
Ta konsiderami un kabayero serio
Pero, ayayai, tempu ta bai
I ketu bai mi ta mi so.
Pero mi sa e pakiko:
Mi ta un hende ku no tini masha brio
Pero mi sa e motibu:
Mi ta un kabayero ku no tini brio
Semper mi ta blo dúndula
Anke mi ta hopi bon mirá
Ketu bai m’a keda blo mek
Ketu bai m’a keda blo mek
Te k’un otro a chèk e chek
2x
Ma mi tin speransa 3x
Ketu bai m’a keda blo mek
Ketu bai m’a keda blo mek
Te k’un otro a chèk e chek
Pero speransa mi tin
Ku un dia porfin lo mi logra
(2x)
Señor Speransa i mi no sa kansa,
Mi n’ ta entregá
Fe ku riba un dia
Lo mi tambe tin mi gran amor, por dios
(Refran) Señor Speransa mi ta
Señor Speransa i mi no sa kansa,
Mi n’ ta entregá
Señor Speransa mi ta
Fe ku riba un dia
Lo mi tambe tin mi gran amor, por dios
Señor Speransa mi ta
Mi ta bai hasi mi bèst, bis'ele tur kos
Kaba spera, spera, sinta spera
Señor Speransa mi ta
Hei, mi sa ku bo t’ei
Mi sa ku bo t’ei, mi kasadó
Señor Speransa mi ta
Ai, m'a keda mek, mek (2x)
Ai, m'a keda mek, mek (2x) mek, mek
Ai, m'a keda mek, mek (2x)
Ai, m'a keda mek, mek (2x) mek, mek
Señor Speransa mi ta
Señor Speransa i mi no sa kansa,
Mi n’ ta entregá
Señor Speransa mi ta
Fe ku riba un dia
Lo mi tambe tin mi gran amor, por dios
Señor Speransa mi ta
Mi ta bai hasi mi bèst, bis'ele tur kos
Kaba spera, spera, sinta spera
Señor Speransa mi ta
Hei, mi sa ku bo t’ei
Mi sa ku bo t’ei, mi kasadó
Señor Speransa mi ta
Hei, mi sa ku bo t’ei
Hei, mi sa ku bo t’ei
M'a keda mek, mek 4x
SERA KONOSÍ
(kantante: Mr. Saab)
Papai dí ku bo por pasa (Paden)
Djis pa sera konosí
Papai dí ku bo por pasa (Sí, paden)
Djis pa sera konosí
Papai dí ku bo por pasa
Djis pa sera konosí
Papai dí ku bo por pasa (Paden)
Djis pa sera konosí
He, sigurno, nos basilon tabata trankil
Te ora k'el a 'nami e respondi, spantami
Papai dí ku bo por pasa
Djis pa sera konosí
Antó nèt n'e momentu
Ku m'a kab'i kumpra
Dos bòtr'i sherry
Pa ba' pa Santa Cruz, el a bisami
Papai dí ku bo por pasa
Djis pa sera konosí
Jenny ku Marcelo nan tur
Ta riba nos nan ta warda
Bisa papai
Laga e kos ei pa un otro día
Papai dí ku bo por pasa
Djis pa sera konosí
Drentabu! Kas ta di bo, mucha hòmber
E kara ta parse konosí
Ah, ta kon t'e nòmber?
Ahan, ta di bandariba, ha, ha, ha, ha
M'a nota k'e kabeinan ta poko straño, sí
Ta kiko "look"? Ha, ha, ha, ha!
Ki bo ta bebe?........Uiiiiii!
Sera konosí (6x)
Drenta un ratu, djis un ratu
Sera konosí
Baha, baha, papai ke
Sera konosí
Ku bo, p'e sa ta ken bo ta
Sera konosí
Ku bo, p'e sinta kòmbersá
Sera konosí
He, no ta pa nada, ta pa
Sera konosí
Nò, no ta pa nada, djis pa
Sera konosí
Pampaparan panpan
Ai, papai a kab'i chèk
Ya tur serbes ta friu
Ya tur serbes ta friu
E bia'ki kòrda pela bo kabei
Promé bo bini pa bo
Drenta un ratu, djis un ratu
Baha, baha, papai ke
Ku bo p'e sa ta ken bo ta
Ku bo, p'e sinta kòmbersá
He, no ta pa nada, djis pa
Nò, no ta pa nada, djis pa
Pampaparan panpan
Ai, papai a kab'i chèk
Ya tur serbes ta friu
Ya tur serbes ta friu
E bia'ki kòrda pela bo kabei
Promé bo bini pa bo
Konosí ku papai
Sí, konosí ku mamai
Pampaparan
Papai dí ku bo por pasa (Paden)
Djis pa sera konosí
Papai dí ku bo por pasa
Djis pa sera konosí
SHELL, WÈL, WÈL
(kantante: Mr. Saab)
31 di yüli 1914
Shell a wak ariba, wak abou
E dí: "Ban Kòrsou"
Kòrsou a hari
Kòrsou a bira
Tira chapi un banda
Tira reda un banda
Kita sinkuria, bisti hèlmu
Bai "Post-6"
Shell a hari
Shell a bira
Tuma Schottegat i Bulbai
Mes un kos Caracasbaai
Huma Wishi ku Marchena
Chika tur awa for di tera
Kòrsou a guli
Kòrsou a guli
A pasa tempu, tempu i mas tempu
Tempu i mas tempu
Kòrsou a guli
Ai, bisawela, wela
Tata i tío, yunan
Tur a guli
Manera ta di spera
Lei di kapital a ripití
Tabata di spera
El a bai dje forma konosí.
Bon pa Shell - bon pa nos
Slou pa Shell - malu pa nos
Malu pa Shell, malu pa Shell……..
Bèl a bati, bèl a bati
Bèl a bati, bèl a bati…
Wèl, wèl, Shell! Shell b'a bati bèl
Nos a stèns riba bo
Bende barata nos sodó i awó
Wèl, wèl, Shell! Shell b'a bati bèl
K'un tanki yen di florin, yen di florin
B'a sigurá bo botin
Wèl, wèl, Shell! Shell b'a bati bèl
Palu Djo, palu Djo, o no
Den negoshi n' tin amigu, no.
Wèl, wèl, Shell! Shell b'a bati bèl
Probechá den tempu bon
Kaba puñalános trinshon
(Refran) Bèm, bèm, bèlèm
Sakanos afó, bèlèm, bèlèm
Yamanos ayó, bèlèm, bèlèm
He, b'a bati bèl, bèm, bèlèm
Laganos "in de knel"
Bèm, bèm, bèlèm
B'a probechá, bèlèm, bèlèm
B'a disfrutá, bèlèm, bèlèm
Di nos sodó, bèlèm, bèlèm
I awó, ayó
Bira lomba pa nos
Bira lomba pa nos
bèlèm, bèlèm
Wèl, wèl, Shell! Shell b'a bati bèl
Nos a stèns riba bo
Bende barata nos sodó i awó
Wèl, wèl, Shell! Shell b'a bati bèl
Palu Djo, palu Djo, o no
Den negoshi n' tin amigu, no.
Wèl, wèl, Shell! Shell b'a bati bèl
K'un tanki yen di florin, yen di florin
B'a sigurá bo botin
Wèl, wèl, Shell! Shell b'a bati bèl
Kon 70 aña di amistat
Por kaba k'un tinguilin
Bèm, bèm, bèlèm
B'a yena bo saku, bèlèm, bèlèm
Tempu di abundansia, bèlèm, bèlèm
Ki bo tin kunes ku, bèlèm, bèlèm
Nos perkansia
Bèm, bèm, bèlèm
B'a bira choka, bèlèm, bèlèm
Nos ardu mayó, bèlèm, bèlèm
I shusha nos boka, bèlèm, bèlèm
K'un tiki ko'
Bira lomba pa nos
Bira lomba pa nos
Bèlèm, bèlèm
Bèm, bèm, bèlèm
Ta di konformá, mucha hòmbu
Bèlèm, bèlèm
Kue bo Chapi
Bèm, bèlèm
Kue bo reda, kompai
Bèlèm, bèlèm
Bèm, bèm, bèlèm
Bèlèm, bèlèm
Bèm, bèlèm
Bèlèm, bèlèm
Bèl a bati, bèl a bati, bèl a bati
Bèl a bati, bèl a bati, bèl a bati
Bèl a bati
SI BO NO A
(kantante: Ñaño Rosario)
Mi amor, mi kariño por tabata
Muchu mas grandi
Mi amor, mi kariño por tabata
Muchu mas fuerte, si bo no a
(Refr) Si bo no a
Lubidá di pone mi te
Si bo no a
Lubidá di drecha mi pan
Si bo no a
Si bo no a balia kuné
Si bo no a
Pèmitiele tene bo man
B'a hasi muchu wega
Ku mi sintimentunan, te nan a gasta
Ta p'esei mi ke ripití, ripití, ripití, ripití
Ripití, ripití, ripití, ripití, ripití-hi, sí
E shimis ku m'a 'nabu por tabata
Muchu mas karu
E koyar ku m'a 'nabu por tabata
puru djamanta
Si bo no a:
Si bo no a
Si bo no a zundra Margriet
Djis pasó m'a 'n'ele un trit
Uza tur mi plak'i siman
Pa bo kore kaya ku nan
Nos fakansi na Ruba por tabata
Muchu mas largu
E hotèl ku m'a skohe por tabata
Muchu mas luho, si bo no a
Si bo no a
Lubidá ku luna pasá
Nos a hasi aña kasá
Biba band'i mi tur e tem'
Keda sin dunami pabien
I e man ku a bai saku lo por a bai
Muchu mas hundu
Antó e sèn ku m'a 'nabu por tabata
Muchu mas reimu, si bo no a
Si bo no a
Lubidá di pone mi te
Si bo no a
Lubidá di drecha mi pan
Si bo no a
Si bo no a balia kuné
Si bo no a
Pèmitiele tene bo man
B'a hasi muchu wega
Ku mi sintimentunan, te nan a gasta
Ta p'esei mi ke ripití, ripití, ripití, ripití
Ripití, ripití, ripití, ripití, ripití-hi, sí
Mi amor, mi kariño por tabata
Muchu mas grandi
Mi amor, mi kariño por tabata
Muchu mas fuerte, si bo no a
Si bo no a
Si bo no a zundra Margriet
Djis pasó m'a 'n'ele un trit
Uza tur mi plak'i siman
Pa bo kore kaya ku nan
Lubidá ku luna pasá
Nos a hasi aña kasá
Biba band'i mi tur e tem'
Keda sin dunami pabien
Lubidá di pone mi te
Si bo no a balia kuné
Lubidá di drecha mi pan
Pèmitiele tene bo man
Lubidá ku luna pasá
Nos a hasi aña kasá
Biba band'i mi tur e tem'
Keda sin dunami pabien
Si bo no….!
SI BON' T'EI
(kantante: Ñaño Rosario)
Kuantu kos lo mi por bisa
Demostrando bo mi amor
Palabra i promesanan
Mashá romántiko
Mi n' ke pèrdè tempu
Tòg ta un kos bo tin ku sa
Ku ami ta stimabu
I ku mi n' por sin bo
Si bo n' t'ei
Min' ker biba mas
Si bo n' t'ei
Min' por sigui mas
Sin bo amor
Mi n' ker biba mas
Sin bo amor
Min' por sigui mas
Tantu mi kebu
Ku mi n' por biba sin bo
Min' tin nodi skonde
Ku mi n' por sin bo
Tantu mi kebu
Ku min' por biba sin bo
Min' tin nodi skonde
Ku min' por sin bo
Kuantu kos lo mi por bisa
Demostrando bo mi amor
Palabra i promesanan
Mashá romántiko
Mi n' ke pèrdè tempu
Tòg ta un kos bo tin ku sa
Ku ami ta stimabu
I ku mi n' por sin bo
Si bo n' t'ei
Min' ker biba mas
Si bo n' t'ei
Min' por sigui mas
Sin bo amor
Mi n' ker biba mas
Sin bo amor
Min' por sigui mas
Tantu mi kebu
Ku mi n' por biba sin bo
Min' tin nodi skonde
Ku mi n' por sin bo
Tantu mi kebu
Ku min' por biba sin bo
Min' tin nodi skonde
Ku min' por sin bo
Mi n' tin nodi skonde
Mi n' por sin bo!
SI MI BISABU SI
(kantante: Carlos i Sharaima)
(Dama)
Si mi bisabu si
E or'ei kiko lo bo hasi
Si mi bisabu si
Anto ki' lo para di mi
(kabayero)
Kariño, mi ta hurabu
Mi ta garantisabu
Si bo honra mi proposishon
Ku mi t'ei bòltu
Bira di bo kompletu
Hasibu e muhé di mi kurason
(dama)
Si mi bisabu si
E or'ei kiko mas lo pasa
Si mi dunabu mi si
Bo ta kere bo ta kla pa kasa
(kabayero)
Ta ki delitu
Mami dushi, mi debe
Di haña gan'i bira bèk den port'i shelu
Si ya mi tini na bista
Un bunita kasita
Dunami bo si, mi'n por wanta mas.
(Koro)
Dia bo bisami si, dia ku bo disidí
Lo mi stimabu, lo mi adorabu
Reina lo bo bira di mi bida
Bo anhelonan ta lei, dushi frei
Lo bo no tin nad'i keha
Ata bo trono, mami, subié
No lagami spera mas, nò
Bisami si, bisami si, bisami si, bisami si
Pa bo gosa, mi moda di zwei un mambo
Huntu nos lo bira bieu
Parti sunchi bai, den solo i sneu
No dúndula, no dúndula
No dèndè mas, no bira mas
Lagami stimabu un tiki
Dios a mandami forma un felis famia
Falta bo so pa firma si!
STÒP DI STIMA STELLA
(kantante: Cesar Amasia)
Mi t'ei stòp di stima Stella
Ku Stella min' por move un stap
Mi t'ei stòp di stima Stella
Riba Stella min' por sigui stèns
Ai, semper e ta studia kon stiwa su stoma
Ku stropi, steik o stobá
En' tin stabilidat, e ta straño
Stellan' ta mi stail
Mi t'ei stòp di stima Stella
Su strea no ta bai ku mi strea
Mi t'ei stòp di stima Stella
Si min' stòp, min' por move un stap
(Refran) Mi t'ei stòp di stima Stella
Mi t'ei stòp di stima Stella
Ai, m'a pone paña pa Stella strika
Logá el a bai stot un stobá
Stobá den su stoma, en' strika
Mi t'ei stòp di stima Stella (2x)
E ke stof, e ke stul, e ke stéreosèt
Mi tin debe te mi ta stek, mi ta stek
Mi t'ei stòp di stima Stella (2x)
Mi ke stòp, mi ke stòp, mi ke stòp di stim'é
Nunka mi por stèns riba dje
Ai, mi t'hañami stanká, strobá
Ta ku nada en' ta stimulami, e Stell'ei
Mi t'ei stòp di stima Stella (2x)
Mi ke stòp, mi ke stòp, mi ke stòp di stim'é
Nunka min' por stèns riba dje
Mi t'ei stòp di stima Stella (2x)
E ke stof, e ke stul, e ke stéreosèt
Mi tin debe te mi ta stek, mi ta stek
Mi t'ei stòp di stima Stella (2x)
Mi t'ei stòp di stima Stella (2x)
Ai, m'a pone paña pa Stella strika
Logá el a bai stot un stobá
Den su stoma, en' strika
Mi t'ei stòp di stima Stella (2x)
Mi ke stòp, mi ke stòp, mi ke stòp di stim'é
Nunka min' por stèns riba dje
SANTA MARIA TA BAI
(kantante: Mr. Saab)